Tualchhung Cricket Durtlang aia sang zawk Gorkha

Cricket Association of Mizoram hnuaia inelna lian, Mahuma Memorial 1st Division Screening Tournament khelh mekah nimin khan Gorkha chuan Durtlang lakah wicket liin hnehna an chang.

Suaka Cricket Ground, Sihhmuiah Gorkha lam hi ṭhum vawrah an vannei zawk a, vawm hmasak an thlang. An duhthlan ang ngein an vawm ṭha hle, Vineet Maurya chuan wicket li a la - Rajesh Chhetri leh Saidul A. F Barlaskar te pahnih ve ve an lak bakah Rajiv Jaisi chuan a thawh ve bawk.

Gorkha hian over 28.3 chhungin an vawm hlum vek a, Durtlang lamin run 73 bak an tlin lo. Aditya More (20 runs) leh Zosangkima (12) te chauhin run 10 an siam tling thei, target sang tak an siam thei lo. Durtlang target siam hi Gorkha lamin over 19.2 lekah 76/6 an tlan pel. Tournament khelh laiah match thum an khelh aṭangin a vawi hnih nan hnehna an chang a, table-ah pangana dinhmun an luah.

Mahuma Memorial-ah hian team ṭha 10 an inel a, vawi khat ṭheuh an inkhel kual ang - chumi hnuah a sang pahnih in final an khel dawn. League round 3 thleng an khelh tawh chinah Chhinga Veng, Ramhlun Venglai leh Kulikawn te an la chak vek. Vawiin hian round 5 khelh ṭan a ni dawn, vawi thum chak zawn RVL leh vawi hnih tlawm tawh Zarkawt Lords an inhmachhawn ang.

Mahuma Memorial (1st Division)
A hmun: Suaka Cricket Ground, Sihhmui
Vawiin Inkhel Tur (Round 4)
Zarkawt Lords    09:30 AM    Ramhlun Venglai

Nimin Inkhel Result
Gorkha (76/6)    bt    Durtlang (73/10 )
(Gorkha lamin wicket liin hnehna an chang)
Toss: Gorkha lamin vuak hmasak an thlang
PoM: Vineet Maurya, Gorkha

Khaled Memorial (2nd Division)
A hmun : Durtlang Khelmual
Vawiin Inkhel Tur (Round 4)
Venghnuai Raiders    09:30 AM    Gorkha Rising

Nimin Inkhel Result
Hunthar (263/8)    bt    Saron (70/10)
(Hunthar hi run 193-in an chak)
Toss: Hunthar lamin vuak hmasak an thlang
PoM: Vanneitluanga, Hunthar