Toni Kroos a inhliam

Germany chuan zanin dar 1:15 hian FIFA World Cup qualifier-a an match hmasa berah Iceland an hmachhawn dawn. 

Joachim Low hote hian Iceland zawh hian Romania leh North Macedonia an hmachhawn dawn a, match thum pawimawh tak khelh tur nei mah se hliam vangin Toni Kroos an chhawr thei dawn lo.

Real Madrid midfielder Kroos hi a ṭhalah hliam a neih avangin Spain-ah a kir ang. Germany coach Joachim Low chuan Euro zawhah ram enkawl hna a chawlhsan tur thu a sawi tawh.

FIFA World Cup-a Die Mann-schaft champion pui tawhtu Low hian hming ṭha taka a chhuahsan theihna turin World Cup qualifying round-ah hian an chet ṭhat a pawimawh a ni.

England pawhin zanin dar 1:15 hian San Marino an mikhual dawn a, Three Lions tan hna harsa tur niin a lang lo. Gareth Southgate-a'n World Cup qualifier hi Euro C'ship atana player enchhin nan a hmang ang.