PSG-ah Neymar a nghet?

Brazilian star Neymar-a'n Paris Saint-Germain-ah contract a pawtsei hnai a, club nen an inrem thei a nih chuan kum 2026 thleng contract a ziak ang.

French champion hian Champions League-ah Barcelona hnehin quarterfinal an lut a, champion lai Bayern Munich an hmachhawn leh dawn. Brazilian forward hian inhliam vangin a club hlui Catalan club hi a hmachhawn ve lo.

Chutihrualin PSG hian Champions League nomawi chawi ngei an duh a, contract tharah hian Neymar tela UCL nomawi an chawi a nih chuan 'bonus' ṭhahnem tak dawn theih dan a awm dawn nia sawi a ni.

Forbes-in a tarlan danin Neymar hian kum nga chhung khan euro maktaduai 350 a hlawh a, contract thara a hlawh tur zat hi a hriat loh thung.