Asia : Ram 46 aṭangin ram 4.5

Asia-ah ram 46 an awm a, World Cup-ah quota 4.5 chauh an nei. AFC hian an aiawha World Cup khel tur zawnna hi round liin an nei ṭhin.

Round hmasa berah hian team 12 chiah an awm a, ranking-a 35 aṭanga 46-na ten double leg hmangin second round lut tur an zawng ṭhin. Second round-ah team ṭha ho tel tawhin ranking-a pakhatna aṭanga 34 bakah first round-a chak team ruk te chu group riatah ṭhen hran an ni.

World Cup khel tur zawnna hi 2023 AFC Asian Cup khel tur zawnna a ni nghal a, inelna thlengtu tur Qatar pawh an tel. Second round-ah hian group tina pakhatna leh pahnihna ti ṭha pali ten third round an lut dawn. Qatar hi an tel ve a nih chuan an hnuai chiaha awm te an tlin phah thung ang.

Third round-ah hian team 12 chu group hnihah paruk ve vein ṭhenhran an ni ang a, group pahniha a ti ṭha pahnih ve ve hi World Cup khel turin an tling nghal ang. Group pahniha pathumna ve ve erawhin fourth round-ah  inter-confederation playoff khel tur an zawng thung ang.

AFC qualifying round-a thawh hnihna (second round) hi khelh zawh a ni leh ṭep tawh a, India erawhin World Cup khelh beiseina an nei tawh lo.