Europe aṭangin ram 13

UEFA hnuaiah ram 55 an awm a, ram 13-in World Cup an khel dawn. Qualifying hi nizan aṭang khan khelh ṭan a ni a, nakkum March 29 thleng khelh a ni ang.

Europe aṭanga World Cup khel tur zawnna hi round chi hnih a awm. Round khatnaah hian World Cup khel tur ram 10 an zawng dawn a, ram dang pathum hi playoff hmangin an zawng ang.

Europe-a ram 55 te chu group 10-ah ram panga leh parukin an ṭhen hrang a, a sang ber ṭheuhin World Cup an khel dawn. Pahnihna ṭheuhin playoff an khel thung ang.

Playoff-ah hian pahnihna bakah UEFA Nations League-a che ṭha ram pahnih te an tel dawn. Ram 12-in hmunruak pathum hi an zawng dawn. Group pathumah team pali zelah ṭhen hran an ni ang a, semifinal leh final khelin World Cup khel tur an zawng ang.