Hero Junior League AFC tan beisei tur a awm tawh lo
Aizawl FC Under 15 chuan nimin khan 3-2 in Birachandra Memorial SC hneh mah se Hero Junior League semifinal an inhlangkai zo lo a, match thum an khelhah vawi khat chiah tlawm chungin inelna hi an mangṭha.
Final round-ah hian Aizawl FC hi Group A-ah awmin Stadium Sports Foundation, Minerva Punjab FC leh Birachandra Memorial SC te nen an awm ho a, team pathum hi an inkhelh kual hnuah a sang berin semifinal an lut.
Mizo club hian an match hmasa berah 3-4 in Stadium Sports Foundation an ngam lo a, a hnuah Minerva Punjab (4-2) leh Birachandra (3-2) hneh leh mah se an ngam loh hnu Stadium Sports hi Minerva chuan 6-0 ngawtin an sawp a, goal difference-a Punjab club phak loin an tlak phah.