Mizo nula tan silver leh bronze

India Open Inter-national Boxing Tour-nament chu May 24 khan Karmabir Nabin Chandra Bordoloi AC Indoor Stadium, Assam-ah khelh zawh a ni a, Mizo nula Vanlalduati chuan silver medal hnek chhuakin Kros Hmangaihsangi'n bronze medal a la ve bawk.

Duati hian 51kg category final-ah world champion vawi ruk lo ni tawh Mary Kom a hmachhawn. Mizo nulain 5-0 in hneh lo mah se khawvel pum huapa langsar Manipur boxer elpha tura final a thleng pha hi hlawhtlinna a ni. Kros-i erawhin 57 kg category semifinal-ah Indian boxer Manisha a hneh lo a, bronze medal-ah a lungawi a ṭul. Tun ṭum inelnaah hian Indian boxer-te an che ṭha a, medal 57 zet hnek chhuakin gold medal 12 an la.