Harry Hood a thi

Celtic legend Harry Hood chu nimin khan kum 74 mi niin a thi a, Sunderland tan pawha lo khel tawh striker hi a thih chhan erawh tarlan a ni lo thung. 

Hood hian 1969 khan Clyde aṭangin Celtic hi a zawm a, Scottish league-ah vawi nga champion puiin, Scottish Cup (2) leh League Cup (2) nomawi a chawipui bawk. Kum 1974 Scottish League Cup semifinal-a Old Firm derby-ah khan Hood hian hattrick a siam a, September 2016-a Moussa Dembele-a'n hattrick a rawn siam ve hma kha chuan Old Firm derby hnuhnung ber a ni reng. 

Celtic chuan, "Club tan goal 123 a khung leh nomawi 12 a chawi kha he club tana mi ropuite sulhnu nena khaikhin ngam a ni," tiin an player ropui hi an thlah.