Scottish Cup champion Celtic

Celtic chuan Inrinni zan khan Scottish Cup final-ah 2-1 in Hearts an hneh a, tualchhung football-a nomawi chawi theih pathum chu an chawi kim - season thum chhung chu a zawnin domestic treble champion an ni ta!

First half-a goal a luh loh hnuin Hearts hian minute 52-naa Ryan Edwards goal hmangin hma an hruai a, mahse Celtic hian Odsonne Edouard goal hnih khung hmangin an chhanglet. French striker Edouard goal hmasa zawk hi penalty aṭanga lut a ni. 

Neil Lennon-a'n season laihawla Celtic a pan khan League Cup-ah an champion tawh a, Brendan Rodgers hmun ruak luah turin Lennon hi season tawp thleng atan an lalut. 

Lennon hi season tawpah chuan chhuak mai tur anga sawi a ni a, West Ham boss hlui Slaven Bilic hming thlengin a ri hman. Mahse, domestic double a chawi takah chuan Celtic hian contract thar an zawrh niin Lennon hian a sawi a, he thu buatsaih lai hian contract thar a ziah dawn leh dawn loh a la chiang lo.