Ukraine-in France an chelh

FIFA World Cup-ah champion tan quota a awm lo a, champion lai France-in World Cup 2022 khel turin inpetlin an mamawh. Nilaini zan khan France hi an mikhual Ukraine nen 1-1 in an inhnehtawk.
Group D inkhel dangah Finland leh Bosnia-Herzegovina te 2-2 in an inhnehtawk. France hian Pathianni zanah la inlan ve lo Kazakhstan an hmachhawn ang a, Ukraine leh Finland te an inhmachhawn bawk ang.
Stade de France-ah France-in team ṭha zawk an ni tih lantirin goal chance an insiam hnem a, Olivier Giroud-a'n first half-ah chance ṭha bik vawi hnih a hlah. Minute 19-naah Les Bleus tan Antoine Griezmann a rawn inlar a, mawi zetin box pawn aṭangin a pet goal.
Minute 57-naah Serhiy Sydorchuk-a'n naran takin goal zawnah a pet a, France defender Presnel Kimpembe a per avangin goal-ah a lut. Les Bleus-in chak tumin Paul Pogba leh Ousmane Dembele te bench aṭangin luhtir mah se goal hmuh tur a awm tawh lo.