Ostapenko a chak hram

Miami Open khelh laiah Nilaini zan khan Jelena Ostapenko a inlan a, world number 5 hlui hian a khingpui Wang Xiyu lakah harsa takin hnehna a chang hram - a match lehpekah chuan Kirsten Flipkens nen an inhmachhawn ang.
Butch Buchholz Court-a inkhelah Ostapenko hian set khatna bik chu 3-1 in hma a hruai fal thei, mahse a hnu lamah erawh chak turin vanneihna a mamawh tel. Darkar hnih leh minute 12 an inkhelh hnuah 6-4, 6-7(4), 6-1 in a chak hram.
French Open champion hlui Ostapenko chuan, "Set hnihna ka hloh a, ka khingpui kha a khel ṭha em em bawk. Inkhel harsa taka hnehna chan hi chu a hlu bik," tiin a sawi.
Miami Open-ah hian mipa player langsar an inhnukdawk nasa, hmeichhe lamah erawh world number 1 Ashleigh Barty leh Naomi Osaka te an inlan - tualchhung nula Serena Williams erawh a tel lo thung.