RVL ngam loh Rinsangzela

A zawna match thum an chak hnuah Ramhlun Venglai an tlawm. Nimin Mahuma Memorial 1st Division Screening Tournament inkhelah RVL hi Zarkawt Lords lakah run 74-in an chak lo.
Suaka Cricket Ground, Sihhmuia inkhelah Zarkawt lamin vuak hmasak an thlang, over 50 chhungin run 176/8 an tlin. RVL tan target sang tak niin a lang lo, mahse Lords ball vawm vir thiam Rinsangzela an ngam loh an tuar.
Ṭhuampui rawlthar, Mizoram Under 19 player hian over 10 a vawm aṭangin wicket ruk a la a, run 19 chauh a pe. Rinsangzela hi tuma chuh buai phak lohin Player of the Match atana thlan a ni.
Nimin khan Kaled memorial pawh Durtlang khelmualah round 4 an khel zo a, vawi li ṭheuh an khelh tawh chinah - Legends, Hunthar leh Gorkha Rising ten vawi thum ṭheuh hnehna an chang thei. Vawiin hian round 5 khelh chhunzawm leh nghal a ni ang.

Mahuma Memorial (1st Division)
A hmun: Suaka Cricket Ground, Sihhmui
Vawiin Inkhel Tur
Armed Veng    09:30 AM    Chanmarians
Nimin Inkhel Result
Zarkawt Lords (176/8)    bt    Ramhlun Venglai (102/10)
(Zarkawt Lords hi)
Toss: Zarkawt Lords lamin vuak hmasak an thlang
PoM: Rinsangzela, Zarkawt Lords
Khaled Memorial (2nd Division)
A hmun: Durtlang Khelmual
Vawiin Inkhel Tur
Luangmual    09:30 AM    Tlangnuam
Nimin Inkhel Result
Venghnuai Raiders (207/10)    bt    Gorkha Rising (91/10)
(Venghnuai Raiders hi run 116-in an chak)
Toss: Venghnuai Raiders lamin vuak hmasak an thlang
PoM: K. Denver, Venghnuai Raiders