Eng team pawhin Root awm lo an tuar ang - Bairstow

India leh England-in vawiin tlai dar 1:30 hian ODI match thum an khelh tura vawi hnihna an khel dawn. Match hmasa berah India hian run 66-in hnehna an chang.
England-in ODI khel tur zingah batsman ṭha mi Joe Root an tel lo. Captain Jonny Bairstow chuan, "Eng team pawhin Joe Root awm lo an tuar ang. Joe a awm lo a nih chuan kan insiamrem vat a ngai a ni," tiin a sawi.
England Test captain Joe Root hi India laka Twenty20 series-a 3-2 a an chak lo ṭum pawhin a tel lo. Kum 30 mi Root hian ODI match 140 a khelhah average-in run 50.10 a siam. Three Lions hian player an thlak kual nasa a, Bairstow chuan an khelh danah nghawng a neih thu a sawi tel bawk.
ODI match hi Pune-ah khelh a ni a, India-in inhliam vangin Shreyas Iyer an chawr thei dawn lo. Match hmasa berah khan Shikhar Dhawan-a'n run 98 zet a siam a, captain Virat Kohli-a'n run 56 belh bawkin KL Rahul (62*) leh Krunal Pandya (58*) te an che ṭha. Amaherawhchu India khingpui England hi World Cup champion lai a ni a, Kohli hote tan series lak a awlsam lo ang.