Brazil captain tur Dani Alves

Brazil-in tun hnaia khelmual pawna hming­chhiatna nei Neymar chu a captain nihna hlipin Paris St-Germain tana a khelhpui Dani Alves hnenah an hlanchhawng.

Kum 27 mi Neymar hian Coupe de France final-a Rennes an hneh loh ṭumin fan a khawih avangin French football thuneitu chuan match thum khel thei lo turin an hrem. Hei bakah hian dressing room-ah PSG tana a khelhpuite nen an intibuai niin sawi a awm bawk.

Tun Inrinni khan Brazil coach Tite hnenah Neymar chetdan hi thlen a ni a, Copa America-a captain turin Dani Alves an thlang ta zawk. Barcelona defender hlui hian Brazil tan match liah captain armband a hreng tawh a, March 2018-a Germany an hneh ṭum chu a captain hnuhnun ber ṭum a ni.

South America ramte football hmanga inelna Copa America chu June 14 leh July 7 inkarah khelh a ni dawn a, inelna thlengtu Brazil hi Bolivia, Venezuela leh Peru te nen group A-ah an awm.