Europe-ah Real Madrid an hlu ber

Tun hnaia KPMG-in a zir­chiannaa a lan danin Real Madrid chu Europe-a club hlu ber an ni a, Spanish club hlut zawng hi euro tluklehdingawn 3.224 ngawt a tling. 

Manchester United-in khel­mual­ah beisei phak lo mah se a pawn lama an hlutna erawh an hloh tam lo a, euro tluklehdingawn 3.207 hlutna nei anga teh an ni. Real an thlau nasa lo. Premier League champion Man­chester City chuan pangana dinhmun an hauh pha a, Champions League final khel tur Liverpool chu pasarihna an ni a, an hmachhawn tur Tottenham Hotspur chu pakuana an ni. 

European club te hlutna hi 2016-17 leh 2017-18 season liam ta aṭanga chhut a ni a, zirchianna hian club-in hlawkna an tel dan, broadcasting rights, larna, ṭhan zel dan tur leh an stadium hlut zawngte a chhut vek. Top 10-ah hian English club paruk ngawt an tel a, club hming 32 puan zingah Scottish treble champion Celtic an tel bawk. Scottish club tel thei hmasa ber an ni.