Muaythai team-in Medal 9 hlawh chhuak

UAMAI National Junior & Sub-Junior Muaythai Championship 2019 neih zawh takah Mizoram Muaythai team chuan gold medal paruk, silver medal pakhat leh bronze medal pahnih, a vaiin medal pakua an hlawh chhuak.

Mizoram aiawhin player 10 tirh an ni a, chung zinga pakhat Lianṭhangkhuma, Falkland (42kg) chuan quarterfinal a paltlang zo lo a, mi dang pakua ten medal an la vek. Mizoram Police coach Lalhlimpuia leh Lian­sangpuii Renthlei ten an naute an hlawhtlinpui hle.

National Champion­ship neih rual hian Referee & Judge training cum seminar neih a ni a, Mizoram aṭanga kal Laldinpuia, Sairang Din­thar leh Andrew Lalnun­mawia, Zonuam ten ṭha takin training an zo bawk.