Champions League final en lo tur Karius

Liverpool aṭanga Besiktas-a loan-a khel mek goalkeeper Loris Karius chuan Champions League final a hmunah en thei mah se en loh a thlang zawk a, chawlh hmangin hun a hmang dawn. 

Reds-in season hmasaa Champions League final an khelh khan Karius hi goalkeeper a ni a, Real Madrid lakah vawi hnih ngawt a chetsual avangin 3-1 in an tlawm. 

Jurgen Klopp-a'n tihsual nawn duh loin Alisson Becker a lalut a, Karius hi loan-a chhuahtir nghal a ni. Liverpool-in Champions League final an lut nawn a, loan-a an chhuahtir an player-te chu final hi an en duh a nih chuan ticket pek vek an tum. Mahse, German keeper Karius hian nikum thil thleng avang khan final-ah mipui rilru a ti phawk lek ang tih a hlau a, en loh a thlang ta zawk a ni.