India coach-in player chhuah zalen leh ta

India coach Igor Stimac chuan player paruk ngawt a chhuah zalen hnuah nimin khan player paruk dang Narayan Das, Salam Ranjan Singh, Dhanpal Ganesh, Rowllin Borges leh Komal Thatal-te a chhuah zalen leh ta a, central defender Anwar Ali (Jr) chu hliam vangin chhuahtir a ni bawk. 

Thailand-a King's Cup khel tura inbuatsaih India squad-ah hian a tirah player 37 koh an ni phawt a, nimina player paruk chhuah zalen an nih hma hian Vishal Kaith, Germanpreet Singh, Nandha Kumar, Redeem Tlang, Bikramjit Singh leh Sumeet Passi te chhuahtir an lo ni tawh. 

Stimac chuan, "May 29 tlaia game kan neih hnuah player parukte hi kaltir mai turin thutlukna kan siam a, hmasawn an ngaihna laite hrilhin kan thlirzui reng dawn a ni," a ti. June 5-a King's Cup khel tur India squad-ah hian Lallianzuala Chhangte a la tel ve zel a, Hnahthial tlangval Jeje Lalpekhlua erawh a khup hliam zai a nih dawn avangin squad-ah hian a tel lo sa. 

May 21 khan India hian camp an nei ṭan a, player 37 koh phawt an ni. Player hi 23 tur a ni a, player 13 chhawk tawhin player pakhat chu paih leh a la ngai dawn tihna a ni.