ATK bazar thawm a ring

Indian Super League (ISL) club ATK chuan season thar atan player pathum an lakluh thu an puang a, Irish defender Carl Gerard McHugh, mid­fielder Michael Soosairaj leh Michael Regin te an lalut. 

Kum 26 mi Carl McHugh hi Motherwell aṭanga an lakluh a ni a, Scottish Premiership club-ah hian captain din­hmun hial lo chelh tawh a nih avangin ATK hian sum an seng tlem lo ang. 

Hetihlai hian kum 24 mi Michael Soosairaj hi kum nga chhung atan contract an ziahpui a, Jamshedpur FC-a release clause a neih lai nuai 90-in an lei chhuak a ni. 

Soosairaj hian ATK-ah hian season khatah vaibelchhe khat chuang a hlawh dawn niin an sawi a, ISL-a vaibelchhe khat hlawh thei Indian player Sunil Chhetri, Gurpreet Singh Sandhu, Jeje Lalpekhlua, Sandesh Jhingan, Amrinder Singh, CK Vineeth, Eugeneson Lyngdoh leh Anas Edatho­dika te zingah a tel ve ta. 

ATK-in Chennai City aṭanga an lakluh Michael Regin hi Soosairaj unau­pa a ni a, an unau hian I League champion Chennai City aṭang hian an hming an chher a ni.