Mbappe hi khawiah pawh a khel thei - Deschamps

France boss Didier Deschamps chuan a striker Kylian Mbappe chu khawi hmunah pawh a khelh theih thu a sawi a, "Eng hmun aṭang pawha goal khung turin harsatna a nei lo," a ti. 

Mbappe hian tun hnai khan French Professional Footballers Association Awards semnaah Paris Saint Germain leh hmun dangah pawh ni se, mawhphurhna lian zawk chelh a duh thu a sawi.

Hemi chungchangah hian PSG coach Thomas Tuchel chuan kum 20 mi a striker hi number 9 diktak a nih thu sawiin media zawhna a lo chhang tawh a, Deschamps hian eng position-ah pawh a khelh theih thuin a chhang ve leh a ni. 

Mbappe hian Neymar leh Edinson Cavani te nen PSG-ah a 'lai' chan an inchuh a, France-ah elpui turin Antoine Griezmann, Olivier Giroud, Wissam Ben Yedder, winger Kingsley Coman, Florian Thauvin leh Thomas Lemar an awm bawk. 

Euro 2020 qualifiers atan France an inbuatsaih mek a, June 9 zanah Tur­key an lenchilh ang a, June 11 zanah Andorra an lenchilh zui leh ang. Hemi hma hian June 2 zanah Bo­livia nen friendly match an khel ang.