Mizoramah Paragliding Accuracy World Cup

Nakkum February thla hian Mizoram Aero Sport Association chuan Serchhipah Paragliding Accuracy World Cup a thleng dawn a, inelna lian a thlen dawn avang hian hmunhma leh mamawh ṭul dangte ngaihtuah nghal mek a ni.

Nikum December thla khan Serchhipah hian pre world cup paragliding accuracy chu hlawhtling taka neih a lo ni tawh a, hemi ṭum hian ram hrang hrang pasarih aṭangin paragliding lama tui mi ṭhahnem tak an fuan khawm.

Federation Aeronotique Internationale (FAI) leh Paragli-ding Accuracy World Cup Committee (PGAWC) chuan Mizoram hi inelna lian thleng thei turah a ngai, thuneitu sang PGAWC lama an dilna thlen chu pawm sak an ni ta a ni.