Harsa takin Barty chak hram

Miami Open khelh laiah Ashleigh Barty chuan a match hmasa bera hnehna chang turin vanneihna a mamawh. World number 1 hian match point a inchhanhim hnuah Kristina Kucova chu a hneh hram.
Barty hi seeded pakhatna niin round hmasa lam a 'bye' avangin a inlan har bik. Ningani zan inkhelah hian vawi 15 ngawt aces siam mah se tihsual a ngah a, world number 149 lakah hian 6-3, 4-6, 7-5 in hnehna a chang.
Australian nula Barty chuan, "Ka beidawng ve ngai lo, beidawng loa ka beih hram hram rah chu a tawpah ka dawng ṭhin. Beiseina tlemte tal pawh kan nei tlat a nih chuan kan tan kawng a awm ṭhin," tiin a sawi.
Miami Open 2019 champion Barty hian a match lehpekah chuan Jelena Ostapenko a hmachhawn leh ang, player pahnih hi French Open champion tawh ve ve an ni a, tharum hmang nasa an nih avangin an inkhel a hmuhnawm ang.