Powerlifting Championship zo fel

3rd Mizoram Open Powerlifting Championship 2021 chu March 25-26 chhung khan MPA Training Hall, Republic Vengthlangah neih a ni.
Championship-ah hian Aizawl aṭangin Powerlifting Team pali - Slick, Iron House, Power Macho leh Monster bakah district pahnih Lunglei leh Kolasib District Powerlifting Association te an tel a; Slick hian gold medal panga, silver medal pali leh bronze medal pahnih lain pakhatna an ni.
Slick lifter Lalthangmawia chu strongman atana thlan a ni a, Iron House lifter Parchuailovi chu strongwoman atan an thlang. Iron House lifter K. Lalruatpuia chu best lifter-ah thlan a ni bawk.