Tualchhung Cricket Chanmarians an chak nuamsa

Mahuma Memorial 1st Division Screening Tournament khelh laiah nimin khan Chanmarians chuan Armed Veng lakah wicket riatin hnehna an chang a, inelna neih laiah a vawi thum nan an chak.
Suaka Cricket Ground, Sihhmuia inelna neihah ṭhumvawra vannei zawk Armed Veng lamin vuak hmasak an thlang. Sahil Saifi (24 runs), C. Vanlalhmuaka (11) leh J. Lalremruata (11) te bak run 10 siam tling thei an awm lo - over 39.1 chhunga run 86 chauh siamin an thi kim.
Chanmarians tan target sang lo tak a ni, over 21.3 chhung leka khumin mi pahnih bak an thi lo. Armed Veng lamin match li an khelh tawhah chak ni hmel an la hmu lo a, insiamthar an ngai hle.

Mahuma Memorial (1st Division)
A hmun: Suaka Cricket Ground, Sihhmui
Vawiin Inkhel Tur
Chhinga Veng    09:30 AM    Bawngkawn
Nimin Inkhel Result
Chanmarians (87/2)    bt    Armed Veng (86/10)
(Chanmarians hi wicket riatin an chak)
Toss: Armed Veng lamin vuak hmasak an thlang
PoM: Nehal Katakadond, Chanmarians

Khaled Memorial (2nd Division)
Vawiin Inkhel Tur
Saron    09:30 AM    Legends
Nimin Inkhel Result
Luangmual (137/10)    bt    Tlangnuam (130/10)
(Luangmual hi run sarihin an chak)
Toss: Tlangnuam lamin vawm hmasak an thlang
PoM: Zaithanmawia, Luangmual