Kings lakah Golden State an tlawm

Stephen Curry leh Draymond Green te awm lohna Golden State Warriors chuan beisei ang result an nei thei lo, nimin zing NBA regular season inkhelah GSW hi Sacramento Kings lakah 141-119 in an tlawm.
Kings lamin tun hnaiah a zawnin match thum hnehna an chang ta a, chak lo Golden State erawh a zawnin vawi thum an tlawm thung - thawnthu a letling thawk tihna a ni.
January 6 khan Kings hian Chicago Bulls lakah tun season bika point an hmuh hnem ber record an siam, an record dinglai hi tun ṭumah hian poinr 13 zetin an khum. Kings leh Warriors hian Western Conference aṭangin playoff khelh an inchuh chho dawn niin a lang.
NBA champion Los Angeles Lakers pawhin player ṭha LeBron James leh Anthony Davis te tel lo chuan chak ni hmel an hmu hleithei bik lo. Lakers hi Philadelphia 76ers chuan 109-101 in an hneh a, season kal laiah 76ers hi vawi 32 zet an chak ta.

NBA Results
New York Knicks    106 - 102    Washington Wizards
Philadelphia 76ers    109 - 101    Los Angeles Lakers
Los Angeles Clippers    98 - 85    San Antonio Spurs
Portland Trail Blazers    125 - 122    Miami Heat
Sacramento Kings    141 - 119    Golden State Warriors