Wawrinka ke vei lam an zai

Stan Wawrinka chu a ke phah vei lam zai a ni a, a chawlh chen tur hriat a la nih loh avangin May thla a khelh tur French Open atan a dinhmun a chiang lo chhunzawm nghal.
Grand Slam vawi thum champion tawh Wawrinka hian April thla chhunga neih tur Marbella, Monte Carlo leh Belgrade Open te a khel thei dawn lo tih a chiang tawh. Paris khawpuiah a inlan a nih pawhin clay court inbuatsaihna a nei hman dawn lo tihna a ni.
Kum 35 mi Wawrinka chuan, "Hun eng emawti chhung chu ka ke veilamah harsatna ka nei a, chu buaina chu kan chinfel ngei ka beisei. A rang thei ang berin tennis court chhungah ka lo kir leh ang," tiin a sawi a, chawlh mai a la tum lo.
Swiss star hi a vanglai a pel tawh, a khelh fuh ṭum erawh chuan player ṭha dang zawng zawng pawh hneh turin theihna a nei sang ve tawh. Tun dinhmunah world number 21 niin, a inkhelh loh chhungin a ranking a tlahniam ang.