Tualchhung Cricket Chhinga Veng an la chak vek

Mahuma Memorial 1st Division Screening Tournament khelh laiah Chhinga Veng chuan match li an khel tawh a, hnehna la chang vekin point riat an hmu; team 10 inlan zingah 3C chiah hi vawi li la chak kim thei awmchhun an ni.
Suaka Cricket Ground, Sihhmuia inkhelah Chhinga Veng lamin vuak hmasak an thlang a, over 50 chhunga run 295/9 zet vaw chhuakin target sang tawk tak an siam thei.
Bawnghkawn lamin target um tur sang tak nei mah se run an siam hleithei lo. Over 32.5 lekah run 112 chauh siamin an thi kim a, tournamernt kal laiah match li an khelh tawhah chak ni hmel an la hmu ve lo.
Vawiin hian a hmun ngaiah inelna neih chhunzawm leh a ni dawn. Match thum chak zawn tawh Kulikawn chuan Gorkha an hmachhawn ang; Kulikawn hian hnehna an chang a nih chuan Chhinga Veng ang bawkin 100% chak record an nei ang.

Mahuma Memorial (1st Division)
A hmun: Suaka Cricket Ground, Sihhmui
Vawiin Inkhel Tur
Gorkha    09:30 AM    Kulikawn
Inrinni Inkhel Result
Chhinga Veng (295/9)    bt    Bawngkawn South (112/10)
Toss: Chhinga Veng lamin vuak hmasak an thlang
PoM: Lalnuntluanga, Chhinga Veng
Khaled Memorial (2nd Division)
A hmun: Durtlang Khelmual
Vawiin Inkhel Tur
Chaltlang    09:30 AM    Venghnuai Raiders
Inrinni Inkhel Result
Legends 254/10    bt    Saron (91/10)
(Legends hi run 163-in an chak)
Toss: Legends lamin vuak hmasak an thlang
PoM: Raj Kumar Thakur, Legends