Hodgson-a'n contract pawtsei

Crystal Palace manager Roy Hodgson chuan kum khat contract a ziah belh a, Selhurst Park-ah 2020-21 season thleng a cham ang.

Kum 72 mi Hodgson hian September 2017 khan Eagles hi a enkawl ṭan a, Premier League khel zel turin a chhanhim. Hodgson chuan, "Club nen inremna kan ziak thei hi ka lawm a, Crystal Palace tana ka hnathawhah hian ka lawm," tiin a sawi.

Palace hi Premier League-ah 12-naah an awm mek a, pangana Manchester United point ruk chauhin an pha lo a, relegation zone-a awm Bournemouth aiin point kuain an hmu sang bawk. Hodgson hian kum 1976 khan Swedish club Halmstads enkawlin manager hna a ṭan a, chutihrualin a club khelhna hmasa ber erawh tuna a club enkawl Crystal Palace hi a ni. England coach hlui chuan, "Ka naupan lai aṭanga ka club ṭan a ni a, mipui pawhin he club hi ka hmangaih tih an hria. Club leh supporter-te nen kan inkar a ṭha a, hlawhtlinna chan tumin player-te nen kan thawhhona a ṭha bawk," tiin a sawi.