Keita-a'n training a zawm

Liverpool midfielder Naby Keita chuan Watford leh Chelsea a hmachhawn theih loh hnuah club training a zawm ve leh ta a, Liverpool tan chuan chanchin lawmawm a ni. 

Keita awm loh hlanin Reds hian Watford chu league-ah ngam loin 3-0 in an tlawm a, FA Cup round of 16-ah Chelsea chu 2-0 in an ngam lo bawk. Reds hian vawiin tlai dar 6:00-ah league match khelh tur an nei dawn a, Bournemouth an mikhual ang - Jurgen Klopp-a nauten insiamṭhat an mamawh takzet. 

Merseyside club hian Premier League-ah point 22-in hma an hruai fal mek a, champion turin an dinhmun a ṭha sa. Chutihrualin tun hnaia an result ṭha lo hian Champions League lama an dinhmun a nghawng ang tih a 

hlauhawm hle. Nilaini zan Champions League last 16 second leg-ah Reds hian Atletico Madrid an mikhual zui dawn a, first leg-ah 1-0 in an tlawm tawh. Rilru harhvang, inrintawkna nen Atletico an mikhual duh chuan Cherries hi an lo hneh phawt a ṭul ang. 

Reds tan captain Jordan Henderson leh Xherdan Shaqiri te chu inhliam vangin an la chawl mek a, Bournemouth-a loan-a an kaltir mek Harry Wilson chuan a club tak zawk Liverpool hi a hmachhawn ve thei dawn lo.