Kolasib champion Rengkhawpui

Inrinni khan Kolasib District Football Asso-ciation hnuaia inelna lian leh ngaihhlut hlawh First Division League chu khelh zawh a ni a, match sarih an khelh aṭanga point 16 hmutu FC Rengkhawpui an champion. Kolasib champion hian MFA Cup an khel ang.

Inelna hi Kolasib District Sports Stadium-ah neih niin, team pariat - FC Rengkhawpui, Ṭumpui GSA, Saidan GSA, Venglai FC, New Diakkawn GSA, FC Efengyl, College Veng GSA leh Town Hall Veng FC te an inel a, team tin hi vawi khat ṭheuh an inkhelh kual hnuah point hmu sang ber chu pakhatna an ni.

Saidan GSA chu pakhatna ni pha lo mah se an player Flavius Lalruatkima chuan best player, top scorer leh best midfielder lawmman a hui vek.