Kimunyong Open-ah Mizo che ṭha

World Taekwondo Headquarters president Dr Kimunyong hming chawia buatsaih Kimun­yong Open Taek­wondo Champioship chu March 29-31 chhung khan Guwahati-ah neih a ni a, Mizo player an cheṭha hle.

Mizoram hian gold medal paruk, silver medal pali leh bronze medal paruk an la. Championship-ah hian category hrang hrang - pewe, sub-junior, cadet, junior leh senior-ah kyorugi leh poomsae inelna neih a ni.

Championship hi Taekwondo Federation of India leh Kimunyong Sports Committee, S.Korea te buatsaih niin South Korea headquarters secretary Hyun Suk Seo leh grand master Lee Jeong Hee ten an hmanpui a ni.

Mizoram aiawh hian player 24 an tel a - Lalsangzuali, Venghlui leh PC Lalmuanawma, Kolasib ten an hruai.