Palinaah Roger Federer

Thawhṭanni zana ATP ranking chhuak thar berah Roger Federer chuan hma a sawn a, Swiss star hian point 5,590 hmuin palina dinhmun a luah. A chunga bera awm Novak Djokovic leh Rafael Nadal te chu dinhmun ngaiah an awm bawk.

Kum 37 mi Federer hian John Isner hnehin Miami Open nomawi a chawi zo hlim a ni a, tennis a khelh hun chhungin title 101 a la tawh. Federer hian Austrian tlangval Dominic Thiem lehpelin palina hi a ni.

Player beiseiawm tak Stefanos Tsitsipas chuan a tawn san ber ṭum tawngin pariatna a ni a, Greek tlangval bakah hian Canadian rawlthar Denis Shapovalov pawh a thiam 20 zingah a inhlangkai bawk.