India tan Test Championship title

A zawna a kum thum nan India chu Test Championship title hlan an ni a, lawmman atan dollar maktaduai khat an dawng bawk. 

Kumtin April apiangin, test khel ṭhin ram te chu ICC test ranking-a an dinhmun aṭangin Test Championship title hi pek an ni ṭhin a, 2017 leh 2018-ah pawh khan India hian he chawimawina hi a dawng a ni.

India captain Virat Kohli chuan, "ICC Test Championship title kan kawl leh thei ta hi kan lawm takzet. Cricket format hrang hrangah kan che ṭha em em a, mahse test ranking-a number 1 nih hi chuan kan lawmna a belhchhah a ni," tiin a sawi. 

April 2002 aṭanga pekchhuah ṭan ICC Test Championship-ah hian Australia chu title la ngun ber niin vawi kua an la a, India hian vawi nga an la a, South Africa-in vawi thum dawng tawhin England chuan 2012 khan an dawng ve tawh bawk. 

Hetihlai hian a vawi khat nan August aṭang hian World Test Championship khelh a ni dawn. He inelnaah hian team kua inlanin match 72 khelh a ni ang a, series 27 awmin 2021-ah final khelh a ni ang.