Bolton player an lungawi lo
Championship club talbuai mek Bolton Wanderers player-te chuan a hunah tak an hlawh an hmuh loh avangin darkar 48 chhung training an zawm duh lo.
Bolton hi a neitupa Ken Anderson chuan hralh a tum a, kar hmasa Nilaini khan darkar 48 chhungin inbiakna tihfel a nih tur thu leh, staff te chu Zirtawpniah hlawh pek vek an nih tur thu a sawi.
Mahse, he thu buatsaih a nih thleng hian Bolton hian neitu thar a la nei lo a, Watford neitu hlui Laurence Bassini nen inbiakna an kalpui mek.
February thla khan Bolton hian a hunah tak hlawh an lo pe thei tawh lo bawk a, vawiin hian High Court-ah chhiah leh ba pek loh chungchangah an inlan dawn bawk.
Bolton hian Inrinni zan khan Queen Park Rangers chu 2-1 in an hneh a, Championship table-ah 23-na niin an hnuaiah Ipswich Town chiah an awm a, tla thei dinhmunah an ding mek.