All England aṭangin Prannoy leh Sourabh inhnukdawk

Hri leng mek corona-virus vangin infiamna khawvel a buai zel, badminton inelna ngaihhlut All England Championships khel tur zing aṭang pawhin Indian player langsar pahnih HS Prannoy leh Sourabh Verma te chu an inhnukdawk.

Badminton World Federation (BWF) hnuaia inelna World Tour Super 1000 tournament zingah chuan All England hi season khat chhunga khelh hmasak a ni, kumin hi Olympic qualifier a nih nghal avangin a pawimawh zual.

Badminton Federation of India (BFI) secretary Ajay Singhania chuan, "Player ṭhenkhat chu All England aṭangin an inhnukdawk, an zingah hian H S Prannoy, Sameer Verma leh Sourabh Verma te pawh an tel, hri leng vangin player ṭhenkhat chu an zin duh lo. "Hetih lai hian Saina Nehwal, PV Sindhu, Kidambi Srikanth, Ashwini Ponnappa, N Sikki Reddy leh Pranaav Jerry Chopra te chu an inlan ang, duhsakna sang ber kan hlan," tiin a sawi.