Man United forward Martial a inhliam?

France tana a feh chhuahna lamah Anthony Martial chu a khup a hliam niin a lang a, khelmual a chhuahsan dawna a chet danah erawh inkhelh chhunzawm a la duh niin a ngaih theih.

Pathianni zan World Cup qualifying group D inkhelah France hian Kazakhstan 2-0 in an hneh. Martial-a'n Ousmane Dembele khung tur a siamsak bakah Sergiy Maliy chuan anmahni lamah a ti lut.

Minute 59-naah Martial hi lak chhuah a ni a, amah thlaktu Kylian Mbappe-a'n an goal thumna khung theihna remchang nei mah se penalty a hlah, goal an chhuah loh vang erawh chuan an mamawh point thum an hmu.

World champion hi an match hmasa zawkah Ukraine nen 1-1 in an inhnehtawk, Nilaini zanah Bosnia-Herzegovina nen an inhmachhawn zui leh ang. Les Bleus hian match hnih an khelh ṭanga point li hmuin group A-ah hma an hruai.

Didier Deschamps-a'n player a chhawr kual rih dawn niin a lang. World number 122 Kazakhstan an hmachhawn ṭum hian bench lamah Mbappe a dah a, inkhelh tam a mamawh tia a sawi Paul Pogba chuan bul a ṭan thung.

Man United midfielder Pogba hi minute 60 chhung a inlan a, a hnuah Juventus midfielder Adrien Rabiot chuan a rawn thlak - inelna lian an hmachhawn hun atan player ten khelhna hmun an inchuh nasa dawn.

Group A Results

Kazakhstan 0 - 2 France

FRA: Ousmane Dembele 19'; Sergiy Maliy 44' (OG)

Ukraine 1 - 1 Finland

UKR: Junior Moraes 80'

FIN: Teemu Pukki 89' (P)