Italy-a zawnin an chak

World Cup 2022-ah Italy-in inlan ngei an tum tih an pholang leh ta - an mikhualna ramah Bulgaria chu 2-0 in an hneh a, an match hmasa berah Northern Ireland chu 2-0 a an lo hneh tawh bawk avangin match hnihah point ruk an nei der.

Azzurri (Italy sawina) tan hian Andrea Belotti chuan minute 43-na lekah penalty hmangin goal hmahruai a khung a, hun tawp nan minute riat a la awm tihah Manuel Locatelli chuan a belhchhah ve leh bawk.

Kum 23 mi Locatelli hian ram tana goal-a khung hmasak ber a ni a, a career-ah a hre reng tawh ang - Italy hi World Cup 2018 khel tur khan an lo inpet tling zo lo tawh a, Qatar 2022-ah erawh zin ngei an tum ruh hle.

Group C-a Italy nena inel ber tura ngaih Switzerland pawhin Azzurri thlah fal lutuk duh loin Lithuania chu 1-0 in an hneh a, Liverpool midfielder Xherdan Shaqiri chuan minute hnihna lekah inkhela goal awmchhun hi a khung.

Switzerland hian an match hmasa berah Bulgaria chu 3-1 in an lo hneh tawh a, Italy nen match hnih aṭangin point ruk ve ve an nei mek.