Lawm hlawh Rooney

Manchester United ṭantuten Wayne Rooney-a'n Derby County jersey ha mah se an club tana goal khung tam ber player hi an la duhsak reng. Pride Park Stadium-a United ṭantute sang chuang zinten inkhelh chhungin Rooney hming an lam reng.

Kum 34 mi Wayne Rooney hi tun hma angin rang tawh lo mah se midfield-ah rawlthar rual Max Bird (19), Louie Sibley (18) leh Jason Knight (19) ten an thlawp. English player hian ball a pet thiamna pholangin Derby tan player 

ṭangkai a la ni.

Rooney hian first half leh second half-ah freekick ṭha zetin a pet a, United keeper Sergio Romero-a'n a dang ve ve. Inkhelh banah Rooney chuan, "Sergio khan khawngaihna a nei lo a, a hnuhnung zawk te kha chu lo chhuah ve tur a ni," tiin fiamthu pahin a sawi