NECS Cup 2020 an pet hawng

Aizawl District Football Association hnuai inelna lian ber NECS Cup 2020 chu Ningani zan khan pet hawnna (kick off) neih a ni a, fixtures a chhuak nghal bawk. Inelna hi March 11, Nilaini aṭangin Ramhlun Sports Complex-ah khelh ṭan a ni ang.

Khua/veng football hmanga inelna hi Rural Development minister Lalruatkima chuan a pet hawng a, football-in Mizo thinlung a luah thu leh mi inphal leh player thawkrimte vangin Mizoramin a hming

ṭhat phah thu a sawi.

Inelnaah hian team 58 an tel dawn a, round hmasa lam chu Ramhlun Sports Complex-ah knock out hmanga neih a ni dawn; last 16 aṭangin Lammual leh RG Stadium lamah an insawn thung dawn a ni.

Season hmasa khan Armed Veng chuan final-ah Republic Veng hnehin a vawi hnih nan an champion. NECS Cup-ah hian Ramhlun South, Bethlehem Vengthlang leh Chhinga Veng te pawhin nomawi an chawi tawh.