Remsiami tan TOI Award

Khawvel huapa English-a ziak chanchinbu lian Times of India chuan Times of India Sports Awards (TOISA) chu a vawi li nan an sem a, Mizo nula Lalremsiami Hmar chu Emerging Player of the Year chawimawina hlan a ni.

India hockey team player Siami hi tun hnai khan International Hockey Federation chuan 2019 FIH Women's Rising Star of the Year chawimawina a hlan tawh. Tokyo Olympic khel tura India a tlin pui avangin Siami hian chawimawina dawn a phu.

Kolasib nula Siami chuan, "Ka tan Pathian hi a ṭha ṭhin, ka phu loh chawimawina ka dawng leh ta. Hockey chu team a khelh a ni a, ka khelhpui player tam tak zingah a vanneiah ka ṭang," tiin Vanglaini a hrilh. TOISA-ah hian PV Sindhu chu Sportsperson of the Year atan thlan a ni. Badminton world number 1 hlui hian season hmasa khan World Championship-ah gold medal a dawng, Indian player zingah khawvel huap inelna liana hlawhtling thei hmasa ber a ni.