Nimin aṭangin MiMSA Racing an ṭan

Nimin aṭang khan tual chhung motosports ngaihhlut 20th MiMSA Racing Championship 2019 chu Tuirialah neih ṭan a ni a, inelna hi April 6, Inrinniah zawh fel tura ruahman a ni.

MiMSA hnuaiah hian team 12 an inziak lut mek a, an vaiin an inlan. Inelna hi category hrang hrang - circuit race, autocross leh motocross-ah te inelna neih tur niin rider 153 an inziak lut. Inelna tawp ni hian KTM Orange Day hman a ni tel dawn a, KTM neituten race an nei tel ang.

MiMSA president Lalfakzuala chuan, "Season kan ṭan chho chauh a ni a, mahse hun rei lote chhungin nasa taka inbuatsaihna kalpui a nih avangin inelna ṭha taka kan neih theih kan beisei," a ti. Kumin hi MiMSA din cham kum 10-na a nih avangin hmalakna tur an ngah thu Vanglaini a hrilh bawk.