Juve tan nomawi a hnai

Italian champion Juventus chuan a zawna a season riat nan Serie A nomawi an chawi ngei dawn niin a lang tawh a, captain Giorgio Chiellini chuan ropuina ram an thleng teuh tawh hle tih a sawi.

Juve hian zanin dar 9:30-ah AC Milan an mikhual dawn a, an hnuai chiaha awm Napoli chuan zanlai dar 12:00-ah Genoa an mikhual dawn thung - Turin club hi an chak a, an elpui Napoli hi an chak lo a nih chuan match khelh hmabak pasarih nei chungin an champion ang!

Italian champion captain Chiellini chuan, "A zawna nomawi pariatna chu a rawn inherchhuak ṭep a, a hun a thleng teuh tawh hle a ni. Kan tan chuan chawlhkar pawimawh bik tak a ni dawn," tiin a sawi.

Italian manager Allegri kaihhruaina hnuaiah Juve hi an kaltluang, tun season match 30 an khelh tawhah vawi khat chiah chak loh an nei. March 17 khan Genoa an hneh loh a, an hneh loh hi tun ṭuma Napoli hmachhawn leh chiah tur hi an ni. An tlawm ṭum hian an thiampuipa Cristiano Ronaldo chu an hahchawlhtir a, Real Madrid player hlui tel hian league-ah hneh loh an la tawng lo.

Juventus-in nomawi an sawi a, Italian champion hnem pahnihna Milan erawhin season thara Champions League khelh an sawi thung - Gennaro Gattuso naute hi palina dinhmun luahtu mektu an ni.