ISL champion ngamtu I League champion

Indian Super Cup khelh mekah Ningani zan khan I League champion Chennai City chuan 2-1 in Indian Super League champion Bengaluru FC an hneh a, semifinal an lut. Chennai City hian ISL champion leh Super Cup champion lai an hneh tihna a ni.

Chennai City tan Nestor Jesus Gordillo chuan minute 15-na lekah goal hmahruai a khung a, Bangalore club-in minute 52-naah sutna remchang nei mah se an chhawr lo. Bengaluru captain Sunil Chhetri chuan second half ṭantir lamah penalty a hlawh chhuak a, a pet turin amah vek rawn pen chhuak mah se Chennai goalkeeper Mauro Boerchio chuan ṭha zetin a dan sak.

ISL champion-in penalty aṭanga goal an khung loh hnu minute thumna lekah Chennai-in an hrem nghal a, Pune City laka hattrick siamtu Pedro Manzi chuan mawi zetin an goal hnihna a khung. India captain Chhetri-a'n a penalty pet goal loh khuh nan goal khat rawn khung ve leh mah se ISL club hi an tho chhuak zo tawh lo a, Chennai City an chak.