Sevilla tan beiseina thar

La Liga-a an match hnu­hnung pakuaah vawi ruk ngawt an tlawm hnuin Sevilla an insiamṭha ve leh ta a, Ningani zan khan Alaves chu 2-0 in an hneh.

Sevilla tan hian Roque Mesa leh Pablo Sarabia te chuan goal khat ve ve an khung a, Alaves lamin a chhanletna tur an neih loh avangin table-ah paruknaah an chho.

Ningani zana an re­sult avang hian Sevilla lam pawhin Champions League khel turin beiseina an nei thar ve leh ta a, palina Getafe chu point khat chiahin an phak lo.

Beisei phak baka sea­son hmang ṭha Alaves tan Champions League beiseina a la bo bik lo a, point hnih chauhin palina hi an hlat a ni.