Champions League kalphung thar a hnai?

UEFA chuan vawiin hian Champions League kalphung an ennawn dawn a, kum 2024 aṭangin kalphung thar an hman a rinawm hle.

UCL kalphung thar hi kum hnih chhung sawiho a ni tawh a, group stage awm tawh loin phase 1-ah team khatin match 10 ṭheuh an khel dawn. Hei chauh hi ni loin inelna hmachhawn thei zat pawh 32 aṭangin 36-ah a pung chho bawk ang.

Inelnaah hian team pahnih tan 'wildcard' siam a ni dawn. Wildcard hi inelna khelpha lo zinga UEFA co-efficient-a point hmu hnem ber club hnehah pek a ni ang.

Kalphung thar hi season thar aṭanga hman tur ni ta se chuan Liverpool hi tuna an awmna pasarihna nichungin season an khar a nih pawhin wildcard hmangin inelna an hmachhawn thei dawn.

Chutihrualin English football-ah erawh nghawng ṭha lo a awm thei dawn. English club-ten League Cup vangin khelh tur an ngah a, fixtures insu buai a tam phah thei ang.