Pogba duhtu an tam - Raiola

Paul Pogba agent Mino Raiola chuan Paul Pogba duhtu club an duh thu a sawi. Raiola chuan, "Khawvel kil tinah Pogba ngainatu an awm. Manchester United leh Solskjaer te pawhin an ngaina. Pogba khelhna tur club hi i hmu thei ang em? tih min sawt se. Ka vahpa kum nga mi pawhin club ṭha a hmuhsak thei ang," tiin Manchester United midfielder chungchang a sawi.

Kum 28 mi Pogba hi France team-ah a awm mek a, Les Bleus hian World Cup qualifying round-ah Ukraine nen 1-1 a an inhnehtawk hnuin Kazakhstan 2-0 in an hneh. France-in hnehna an chan ṭum hian Pogba-a'n bul a ṭan.

France head coach Didier Deschamps chuan, "Pogba hian a theihna ang tak tak pho chhuak leh turin inkhelh tam a mamawh," tiin a sawi. World Cup champion lai Les Bleus hian zanin dar 12:15 hian Bosnia and Herzegovina an hmachhawn ang.