Tualchhung Cricket Durtlang an chak ve ta

Mahuma Memorial 1st Division Screening Tournament khelh laiah Durtlang chuan Zemabawk Pitchers lakah wicket riatin hnehna an chang a, inelna neih laiah match li an khelh aṭanga an chak hmasak ber ṭum an tawng.

Nimin zinga ruah sur vangin Suaka Cricket Ground, Sihhmui a huh a, nghah ro a ngai. Over 50 khelh ṭhin chu over 30-ah tih tlem a ni - ṭhum vawra vannei zawk Zemabawk lamin vuak hmasak thlangin run 117/10 an siam.

Durtlang tan target a sang lo, over 26.3 chhunga mi pahnih chauh in hloh chungin an khum. Pitchers lam hi match li an khelhah vawi thum an chak lohna chiah niin, table-ah pariatna dinhmun an luah.

Mahuma Memorial (1st Division)

A hmun : Suaka Cricket Ground, Sihhmui

Vawiin Inkhel Tur

Zarkawt Lords 09:30 AM Armed Veng

Nimin Inkhel Result

Durtlang (121/2) bt Zemabawk Pitchers (117/10)

(Durlang hi wicket riatin an chak)

Toss : Zemabawk Pitchers lamin vuak hmasak an thlang

PoM: Zothanzuala, Durtlang

Khaled Memorial (2nd Division)

A hmun : Durtlang Khelmual

Vawiin Inkhel Tur

Saron 09:30 AM Tlangnuam

Nimin Inkhel Result

Hunthar (180/10) bt Gorkha Rising (103/10)

(Hunthar hi run 77-in an chak)

Toss : Hunthar lamin vuak hmasak an thlang

PoM: Lalhruaitluanga Vuite, Hunthar