HPC CUP 2019 Vawiin aṭangin last 16

Lunglei DFA hnuaia inelna lian ber HPC Cup 2019 chu vawiin aṭangin last 16 khelh ṭan a ni dawn a, Ṭhuamluaia Mualah inkhel pahnih a awm ang.

Inrinni khan second round khelh zawh niin beisei aia khel ṭha Rangte chu goal difference vang­in an tla. Rangte hian rin hlawh lo tak chungin inelna an hmachhawn a, first round-ah 3-2 in Vanhne an hneh. Second round (group match) ah Hauruang 3-0 a sawpin; vawi li champion tawh Electric Veng chu 1-0 in an hneh bawk.

Amaherawhchu, an match hnuhnung berah penalty vawi 2 chawiin Luangmual lakah 4-0 in an tlawm a, goal difference-ah Electric Veng leh Luangmual phak lovin an tla a ni.