Mizoram Karate team-in medal panga la

KAI Junior National Karate Championship 2019 chu April 5-7 chhung khan neih a ni a, All Mizoram Karate Association (AMKA) leh Mizoram State Sports Council ṭangkawpin an tirh chhuah team aṭangin player pangain medal an hlawh chhuak.

Inelna hi Deskhbakta Tartan Ram Phookan Indoor Stadium, Guwahati-ah neih niin Mizoram team hian silver medal pakhat leh gold medal pali an la. Inelna hmachhawn tur hian India ram state leh UT hrang hrang aṭangin infiammi 1650 chuang zet an kalkhawm a ni.

AMKA senior vice president R. Zomawia chuan, "Gold medal lak ngei tumin kan bei a, mahse kan hlawhtling zo ta lo. Sorkar lam aṭangin training senso kan hmu tawh ngai lo a, hei vang hian duhthusama training neih theih loh a lang niin ka hria. Tun ai hian sorkar hian infiammite hi awmze nei zawkin min enkawl se, hma kan sawn lehzual ngei ang," tiin Vanglaini a hrilh.

Tournament hi India ram chhunga karate huang bikah chuan a sang ber a ni a, medal la phak chin chu tun season chhunga international tournament hrang hrangah India aiawh turin an tling dawn a ni.