MFA Women's League Chanmari Women-in semifinal an lut

Mizoram Football Association (MFA) buatsaih hmeichhe pual football inelna MFA Women's League chu khelh chhunzawm zel a ni a, nimin khan Maubawk Women FC leh Chanmari Women FC te 1-1 in an inhnehtawk. Maubawk hian Lalhmangaihzuali hmangin hma hruai mah se Chanmari hian Lalrinmuani hmangin an sut a, Chanmari hi table mawngphaha awm Siaha District FA-in an umphak theih tawh loh avangin Vakiria FC hnung zuiin semifinal an lut.

Lammual inkhel dangah G&SA ITI Veng chuan nimin khan Lalduhthlani goal hmangin Siaha District FA 1-0 in an hneh a, semifinal lut turin an dinhmun a ṭhat phah hle. Siaha team erawhin match nga khelhah point an la hmuh loh avangin semifinal lut turin an dinhmun a ṭha lo ber a, knockout stage lut turin match thum khelh hmabak an chet ṭhat a ṭul ang.